موضوع قطع بطني من الضحك

خربتها و قررت اتزوج (( وجه واحد مستحي ))

--------------------------------------------------------------------------------

قريت هالموضوع بمنتدى وحبيت انقلكم اياه

خربتها وقررت اني اتزوج

ادري انكم منتب مصدقين مثلي لكن هذا الصدز

الحين كل الشباب تزوجوا واللي عنده ولد واللي اثنين واللي ثلاثه واللي 6 ما شاء الله << هذا من دفعة قديمه ..
طقت برأسي هاك اليوم وانا راجع من الاستراحة الساعة 2 بالليل لان كل الشباب عندهم دوامات
اقولكم طقت برأسي هالفكرة اني ليش ما اتزوج واستقر خلاص ..
يكون عندي بيت وعيال .. واكون اسرة صالحة لمدة 6 شهور من تاريخ الإنتاج وتحفظ بعيداً عن الشمس

واول ما وصلت للبيت .. رحت للوالدة الله يحفظها واقولها .. خلاص اني قررت اكمل نص ديني واطلق العزوبية !!
قالت تكفى طس منب فاضية لخرابيطك !!
قلت وانا صادز يا اميمتي هماتس قبل تصجين(ن) وتقولين متى تتزوج متى تتزوج ؟؟!!
وما بقيتي بنت الا مدحتيها لي ؟؟!!
قالت طيب ياثور خلاص بنزوجك بس مهوب الحين اجل جايني الساعة 2 بالليل وتقول انك تبي تتزوج !!
والله من زين الوقت بعد انت وهالخشه ؟؟!! !!

اثري كنت متحمس مع هواجيسي وتوني راجع من الاستراحة ونقزت للوالدة مثل النمر
وصحيتها من النوم وقلت لها عن هالقرار الخطير !!

قالت لي خلاص اذلف الحين وباتسر اذا اصبحنا يحلها ربك بس طس عني بنام لي شوي قبل الفجر ..
قلت خلاص ولا تزعلين ايتها الغالية الحنونه .. تامريني شئ قبل لا امشي ؟؟!!
قالت ولعنه طس الله يخلف علي قسم بالله مدري وشلون تحملتك 9 اشهر !!
من يومك وانت عله !! اجل فيه مخلوق يرافس وهو بالشهر الرابع ؟؟!! !!؟؟

المهم طلعت من عند الوالدة عشان ترتاح شوي ..
ويوم وصلت غرفتي ويالله يالله امشي .. من الحوسة اللي فيها !!
<< حالف(ن) على اهله اللي يحرك شئ في غرفته يبي يقص يده !!<< شديد هههههههههههههه

بعد ما انسدحت بالسرير ابي انام الا هذا ابليس قدامي ..
يقول هلا بدوووري !!؟؟!!
قلت تكفى يابو الابالسه منب رايقن لك طس عني خلني بنام ..
قال اصبر قبل لا تنام ابي اتفاهم معك بموضوع خطير !!
قلت يبو متلاحقين باتسر ان اصبحنا نسولف بموضوعك الحين دايخ وابي انام ..
قالت لا واللي يرحم اثنين جابوك الموضوع ضروري بالحيل ..
قلت يعني ما يحتمل التأجيل ؟؟!! (( صورة واحد دايخ ويبي ينام ومتوهق بواحد نشبه )) !!
قال ايه ما يحتمل ..
قلت يالله انجز علينا وش عندك ؟؟!!
قال الحين صدز تبي تتزوج ؟؟!!!!!! !! قالها باستغراب اكثر منكم لو تشوفون خشته قسم تضحكون ما ينفع عليه الاستغراب ابد شف لا صرت بالماسنجر وحطيت السمايل هذا (6) << كل واحد يروح للماسنجر ويحط هالسمايل عشان يعرف وش اقصد .. المهم لا حطيت هالسمايل وشفته تخيل انه يكون مستغرب !!
قلت الحين صاجني ضروري وما ادري وش وآخرتها هذي سالفتك ؟؟!! طس لا الله ابو خشتك يا تسلب فارق خلني بنام Sleep

لا اتعوذ بالله منك الحين وتتوهق من تسولف معه ..

قال لا اصبر تكفى .. الحين صدز انت لا تزوجت نعنبو ابليسك من يبي يسهر معي ؟؟!!
من يبي يحش معي بأعضاء منتدى عذب الكلام

من يبي يدشر خلق الله ؟؟! !! ومن يبي يلعب بحسبة خلق الله غيرك ؟؟!!
وبعدين تدري انت يا بدر ان تزوجت .. خلاص ما عاد فيه طلعات وروحات مثل قبل !!
مهنا جلسات للفجرية مع الشباب بالاستراحة geek

ومهنا سهر ومعسل وشراب التفاح << ترانا نشرب سيزر مهوب خارجي ..
تبي تجلس تقابل البيت وبنت الناس ناشبه لك بكل عاير .. وتبي تتوهق .. drunken

مصاريف وغثى وعوار رأس .. وصجة بزارين وودنا لبيت امي وودنا للسوق .. bom

وابي اروح بيت اختي وابي اروح بيت اخوي .. وخرابيط مالها سنع ..
affraid

همن لا جاك الصيف قالت نبي نسافر !! تحسب انك اذا سافرت تبي تنبسط مثل سفرتنا ؟؟!! farao

لا يا يابدر ماتمشي متر الا هي معك تقول خذني معك وين ما تبي .. !!
تتوقع تبي تصبر على هالحاله ؟؟!!
صدقني منتب صابر ولا شهر .. اعرفك انا .. وفوق كذا ياخي راحم البنت اللي تبي تتزوجها << انتم متصورين هالشئ ابليس راحم عروس المستقبل << بلاك خويه وعارفك زين ..
afro

مشى من عندي وقالي شف فكر في الموضوع وقلبها في رأسك .. وانت وهواك ..
على العموم انا بمشي الحين وبعدين نبي نتواجه .. ..
قلت له اصبر قبل لا تمشي
قال هاه عساك هونت تكفى ؟؟!!
قلت لا .. بس تكفى لا تنسى تصك الباب وراك اهم شي !!
Shocked

حسيت ابليس وقتها يقول والله اني حمار منب ابليس اللي مخاويك !!

طلع ابليس من هنا .. وانا اهوجس بكلامه .. الله يخس ابليسك با ابليس !!
Shocked

قلت صدز الحين يابدر لو تزوجت وش تبي تسوي ؟؟!
تبي تتوهق .. الحين اهلك وهم اهلك ما استحملوك .. تبي بنت الناس تستحملك ؟؟!!
وبعدين انت راعي سهر ومباريات واستراحه .. وشوله تتزوج ؟؟
يعني الحين انت اذا رجعت البيت الساعة وحده يضيق صدرك تقول وراي راجع مبكر !!
وانت دايم تسهر وما تقوم الا العصر والا المغرب !! << نوم الظالم عباده << بس وقسم اني منب انام تسذا !!
وانت الحين كثر خيرك اذا شفت جماعتك بالسنة مرة وحده !! اجل باتسر تبي تروح تسلم على فلان وعلان !!
والا يا زينك وانت جارن حرمتك معك ورايحن تسلم على خالك والا عمك والا اخوانها !!
ياشيخ افلقني اذا مريت اهلك بالشهر مره !!
والا هقوتك انك تبي تروح للاستراحة من عقب العشاء وترجع على 11 !!
ياشيخ ما يكمل شهر الا وجايتك الجلطة << الله يحفظنا وكل مسلم .. ..
وبعدين صدز لو تزوجت وش تبي تسوي بالماسنجر اللي مليان بنات << يحلفون ما عندك الا التماسيح وكلهم صاكينك بحظر بعد .. << وانا اقول وش فيه الماسنجر ما يفتح مع الشباب دايم اوف لاين خخخخخخخخخخخخخخخ cherry

المهم مالكم بطولة السالفة << ترى كل هذا وما طول ..

يوم صحيت الا الوالدة تقول تعال الحين نتفاهم معك انت وخشتك مهوب الساعة 2 .. afro

قلت سم امري يا اميمتي وش تبين ؟؟
قالت الحين انت صادز انك تبي تتزوج ؟؟!!
قلت من يقوله ؟؟ ؟؟ !! !!!
قالت انت ؟؟!!
قلت لا يا اميمتي ما طريت الزواج ولا ابيه !!
قالت امس انت مصحيني من النوم وقايلن لي هالكلام !!!
قلت لا يا اميمتي يمكن انتي محلمه بهالشئ من كثر ما تفكرين فيه .. والا انا على خبرتس ابد ..
واقول بقلبي الله يخسك يا ابليس خليتني اتسذب على اميمتي !!
الزبدة نار العزوبية ولا جنة الزواج ..
موضوع قطع بطني من الضحك 55867